انہوں نے ضلع اننت ناگ کے ڈاک بنگلو کھنہ بل میں منعقدہ اجلاس کے دوران متعلقہ یو ایل بی افسران اور ممبران کے ساتھ شہری علاقوں میں مجموعی ترقیاتی منصوبوں کے کام کاج کا جائزہ لیا۔
میٹنگ میں ضلع ترقیاتی کمشنر اننت ناگ ڈاکٹر پیوش سنگلا، ایم سی اے صدر ہلال احمد شاہ و دیگر کئی سرکاری محکموں سے وابستہ افسران موجود تھے۔
اس موقعہ پر ڈسٹرکٹ ڈیولپمنٹ کونسلرز نے مختلف سرکاری اسکیموں کے تحت ضلع میں جاری ترقیاتی منصوبوں کی تفصیلی جانکاری فراہم کی۔
وہیں متعلقہ منصوبوں سے جڑے کئی مطالبات کو اجاگر کیا گیا اور ان کے مطالبات کو جلد حل کرانے کی اپیل کی گئی، تاکہ ترقیاتی منصوبوں کی عمل آوری اور مقرہ مدت میں ان کی تکمیل کو یقینی بنایا جا سکے۔
پرنسپل سکریٹری نے مختلف پروگراموں اور اسکیموں کا مکمل جائزہ لیتے ہوئے تمام مستحق افراد کو مختلف سرکاری فلاحی اسکیموں کے دائرے میں لانے پر زور دیا۔
گپتا نے متعلقہ افسران اور ایجنسیوں سے کہا کہ وہ کام کی رفتار میں تیزی لائیں اور منصوبوں کی بروقت تکمیل کے لئے ورکنگ سیزن کا موثر استعمال کریں۔
انہوں نے متعلقہ افسران کو یہ بھی ہدایت دی کہ وہ صفائی ستھرائی کے انتظام کو یقینی بنائیں، خاص طور پر کووڈ-19 وبائی امراض کے دوران ماحول کو صاف و شفاف رکھنا انتہائی ضروری ہے۔
انہوں نے بتایا کہ یُوٹی کے میٹروپولیٹن علاقوں میں بنیادی ڈھانچے کو مستحکم کرنے کے لئے محکمہ کے پاس کافی فنڈز دستیاب ہیں۔
گپتا نے اننت ناگ شہر کی خوبصورتی بڑھانے کے لئے میگا پروجیکٹ کی منظوری دے دی ہے۔ وہیں یہاں کے قدرتی چشموں کی تجدید و مرمت، اسٹریٹ لائٹس نصب کرنے، میریج اور کمیونٹی ہالز کو بڑھاوا دینے کی بھی منظوری دی ہے۔
