اننت ناگ میں منشیات فروشی کے الزام میں دو افراد گرفتار

جموں و کشمیر پولیس نے ضلع اننت ناگ کے سرنل علاقے میں منشیات فروشی کے الزام میں دو لوگوں کو گرفتار کر لیا ہے۔

منشیات مخالف مہم کو جاری رکھتے ہوئے اننت ناگ پولیس کی ایک ٹیم نے سرنل کے مقام پر ایک ناکہ قائم کیا، جس کی سربراہی اننت ناگ پولیس اسٹیشن کے ایس ایچ او کر رہے تھے۔

ناکہ پر تلاشی کاروائی کے دوران دو افراد کے پاس 35 کوڈین فاسفیٹ کی بوتلیں برآمد کی گئی، جن کی شناخت لونہ پورہ مٹن کے رہنے والے عاقب احمد بٹ ولد گل محمد بٹ اور سرنل بالا کے رہنے والے مصطفیٰ والی عرف بٹہ ڈان ولد غلام نبی وانی کے طور پر ہوئ ہے۔

دونوں افراد کو گرفتار کرکے این ڈی پی ایس ایکٹ کے تحت اننت ناگ پولیس اسٹیشن میں معاملہ درج کیا گیا ہے۔ وہیں پولیس کی جانب سے اس سلسلہ میں مزید تفتیش شروع کی گئی ہے۔

لوگوں کی جانب سے پولیس کے اس قدم کی سراہنا کی جا رہی ہے۔ پولیس نے عوام سے منشیات مخالف مہم میں عوام سے تعاون کی اپیل کی تاکہ سماج کو منشیات کی بدعت سے پاک کیا جائے