عسکریت پسند کی تدفین میں ہزاروں لوگوں کی شرکت

بجبہاڑہ انکاؤنٹر میں ہلاک ہونے والے عسکریت پسند ڈاکٹر برہان کی تدفین میں ہزاروں لوگوں نے شرکت کی اور احتجاجی مظاہرہ کیا۔

بجبہاڑا میں ہوئے انکاونٹر میں حزب المجاہدین کے دو عسکریت پسند ہلاک ہو گئے۔

ہلاک ہو نے والے عسکریت پسندوں کی شناخت 25 سالہ صفدر امین بھٹ ولد محمد امین اور 25 سالہ برہان گنائی کے طور پر ہو ئی ہے۔ دونوں عسکریت پسندوں کا تعلق ضلع اننت ناگ سے ہے۔سکیورٹی فورسز کو برہان گنائی ولد غلام گنائی کی پچھلے دو برس سے تلاش تھی۔

ڈاکٹر برہان اور صفدر امین بٹ کی نماز جنازہ میں ہزاروں لوگوں نے شرکت کی۔ مظاہرین نے عسکریت پسندوں کے حق میں نعرے بلند کیے۔

جوں ہی صفدر کی میت ان کے آبائی علاقہ زرپارہ پہنچائی گئی تو وہاں صف ماتم بچھ گئی۔ان کا نماز جنازہ سرکاری ہائیر سکینڈری اسکول کے احاطے میں ادا کی گئی ۔