اشیاء خوردنی کی قیمتوں کو اعتدال میں رکھنے اور ذخیرہ اندوزی کو روکنے کے لیے ضلع انتظامیہ کی جانب سے ضلع بھر میں مارکیٹ چیکنگ کی مہم تیز کر دی گئی ہے۔ اس سلسلہ میں ضلع اننت ناگ کے مختلف بازاروں میں مارکیٹ چیکنگ کی گئی۔ جس دوران دکانداروں کے ریٹ لسٹ اور دیگر اشیاء کی جانچ کی گئی۔
عید کے پیش نظر ذخیرہ اندوزی اور ناجائز منافع خوری کو روکنے کے لیے ضلع ترقیاتی کمشنر اننت ناگ ڈاکٹر پیوش سنگلا نے ضلع میں باقاعدگی سے بازاروں کی جانچ پڑتال کے لیے متعلقہ تحصیلداروں کی سربراہی میں تحصیل سطح پر ٹیمیں تشکیل دی گئی ہیں۔ تاکہ بازاروں پر گہرائی سے نظر رکھی جائے۔
یہ بھی پڑھیں:
اننت ناگ: کسانوں نے کراپ انشورنس اسکیم متعارف کرنے کا مطالبہ کیا
جمعہ کے روز ٹیموں نے ضلع کے مختلف بازاروں کی چیکنگ کی۔ جس دوران ناقص اور زائدالمعیاد اشیائے خورد و نوش ضبط کر کے انہیں موقعہ پر ہی ضائع کیا گیا اور قانون کی خلاف ورزی کرنے والے دکانداروں سے جرمانہ وصول کیا گیا۔
دکانداروں کو انتباہ کیا گیا کہ وہ غیر معیاری اور ناقص اشیاء خوردنی فروخت کرنے سے باز آ جائیں۔
