اننت ناگ: منافع خوری کے خلاف چھاپے

ریاست جموں و کشمیر کے ضلع اننت ناگ میں رمضان کے متبرک ایام میں گراں فروشی اور کالا بازاری کا سنگین نوٹس لیتے ہوئے ضلع انتظامیہ نے مارکیٹ چکنگ عمل میں لائی۔

اے سی آر اننت ناگ سید یاسر کی قیادت میں انتظامیہ کی ٹیم نے قصبہ اننت ناگ کے مختلف بازاروں کا معائنہ کیا۔

اس دوران گراں فروشی کے مرتکب دکانداروں کے خلاف موقعہ پر ہی کاروائی عمل میں لائی گئ۔ جبکہ زائد المیعاد اشیاء کو بھی ضائع کیا گیا اور موقعہ پر ہی جرمانہ وصول کیا گیا۔
لوگوں نے اس طرح کی مہم کا خیر مقدم کرتے ہوئے ضلع کے دیگر علاقوں میں بھی اسکا آغاز کرنے کی مانگ کی۔