جنوبی کشمیر کے ضلع اننت ناگ کے علاقے کھرم سریگوفوارہ میں جمعرات کی صبح جنگلی ریچھ کے حملے میں ایک 45 سالہ شخص شدید زخمی ہوگیا۔
تفصیلات کے مطابق آج صبح سویرے بشیر احمد خان نامی ایک شخص اپنے گھر سے باہر تھا. ذرائع کےمطابق جنگلی ریچھ گجر بستی کی طرف آرہا تھا. جس دوران جنگلی ریچھ نے بشیر خان پر حملہ کیا۔اس حملے میں مذکورہ شخص زخمی ہوگیا جسے علاج کی خاطر کھرم کے نذدیکی اسپتال پنہچایا گیا جہاں سے اسے ضلع اننت ناگ کے جی ایم سی منتقل کیا گیا۔
اس حملے کے بعد علاقہ کے لوگوں میں خوف و ہراس پھیل گیا جس کی وجہ سے مقامی لوگ اپنے گھروں میں سہم گئے۔
مقامی لوگوں نے محکمہ وائلڈ لائف سے مطالبہ کیا ہے کہ وہ جنگلی جانوروں کی لگام کسنے کے لئے سنجیدگی سے اقدام اٹھائیں تاکہ مستقبل میں ایسے واقعات رونما نہ ہوں۔
