اننت ناگ: شمالی فوج کے کمانڈر، لیفٹیننٹ جنرل اوپیندر دویدی 20 سے 22 مئی 2022 تک کشمیر کے تین روزہ دورے پر سرینگر پہنچے۔ وہ وادی کشمیر کی مجموعی سکیورٹی صورتحال کا جائزہ لینے کے لیے لائن آف کنٹرول اور اندرونی علاقوں میں فوجی چوکیوں کا دورہ کریں گے۔ LT Gen Upendra Dwivedi Kashmir Visit
دورے کے پہلے روز فوجی کمانڈر نے چنار کور کے کمانڈر لیفٹیننٹ جنرل اے ڈی ایس اوجلا کے ہمراہ جنوبی کشمیر کے مختلف مقامات کا دورہ کیا۔ دورے کے دوران فوجی افسر کو انسداد دہشت گردی، ترقیاتی کاموں اور امرناتھ یاترا کے لیے کی جاری تیاریوں کے بارے میں آگاہ کیا گیا۔
لیفٹیننٹ جنرل نے فوجیوں کے ساتھ ملاقات کے دوران ملیٹنسی مخالف آپریشنز کو درستگی اور کامیابی کے ساتھ انجام دینے پر ان کی سراہنا کی۔ انہوں نے کہا کہ فوج جانی و مالی نقصانات کے بغیر آپریشنز کو بخوبی انجام دے رہے ہیں جو فوج کے لیے فخر کی بات ہے۔ انہوں نے فوج اور عوام کے درمیان بہتر تعلقات کو استوار کرنے پر فوج کی تعریفیں کی۔ انہوں نے کہا کہ فوج کی کوششوں سے عسکریت پسندی کی بھرتیوں میں مجموعی طور پر کمی آئی ہے۔
مزید پڑھیں:
لیفٹیننٹ جنرل بعد میں چنار کور ہیڈ کوارٹر پہنچے۔ انہیں لیفٹیننٹ جنرل اے ڈی ایس اوجلا، جی او سی چنار کور نے سکیورٹی کی مجموعی صورتحال اور عسکریت پسندوں کے منصوبوں کا مقابلہ کرنے کے لیے کیے گئے اقدامات کے بارے میں بریفنگ دی۔
