کوروناوائرس متاثرین میں نمایاں اضافے کے پیش نظر جنوبی کشمیر کے ضلع اننت ناگ میں آج سے تین دنوں کے لئے ایک بار پھر لاک ڈاؤن نافذ کیا گیا۔
اننت ناگ میں کورونا کے بڑھتے معاملات کے پیش نظر ڈی سی اننت ناگ کلدیپ کرشن سدھا نے احکامات صادر کرتے ہوئے متعلقین کو لاک ڈاؤن اور امتناعی احکامات کا سختی سے نفاذ کرنے کی ہدایت دی ہے۔
اننت ناگ میں دوبارہ لاک ڈاؤن نافذ، عام زندگی درہم برہم جبکہ آج ضلع صدر مقام و دیگر اہم قصبہ جات کو جانے والے تمام راستوں پر پولیس و فورسز نے ناکے قائم کر کے ٹریفک و لوگوں کی نقل و حمل محدود کر دی تھی۔ ضلع مجسٹریٹ اننت ناگ کلدیپ کرشن سدھا کی طرف سے جاری اس حکمنامے میں کہا گیا ہے کہ پورے ضلع میں 21 سے 23 اگست تک پابندیاں نافذ رہیں گی۔لاک ڈاؤن کے پیش نظر ضلع میں آج دکانیں اور کاروباری ادارے بند رہے۔ جگہ جگہ رکاوٹیں اور کھاردار تار نصب کی گئی ہے۔قصبہ کی طرف جانے والے سبھی راستوں کو سیل کر دیا گیا ہیں۔ سڑکوں پر پبلک ٹرانسپورٹ کی نقل وحمل معطل رہی۔ تاہم ضرورت مند اور بیماریوں کو جانے کی اجازت دی جا رہی ہے۔انتظامیہ نے لوگوں سے اس حوالے سے تعاون فراہم کرنے کی اپیل کی ہے۔
