انڈین سسٹم آف میڈیسن کے ڈائریکٹر ڈاکٹر موہن سنگھ نے اسسٹنٹ ڈائریکٹر ڈاکٹر سجاد حسین کے ہمراہ اننت ناگ کا دورہ کیا اور جنوبی کشمیر میں کورونا وائرس سے متعلق کی جانے والی سرگرمیوں کا تفصیلی جائزہ لیا۔
اننت ناگ کے ضلعی افسران ڈاکٹر جاوید اور کولگام کے ڈاکٹر عبد الرحمان نے وبائی صورتحال میں گزشتہ چار ماہ کے دوران کی جانے والی سرگرمیوں کا خلاصہ پیش کیا۔
اس موقع پر ڈاکٹر موہن سنگھ نے جنوبی کشمیر کے کونے کونے میں لوگوں کو قوت مدافعت بڑھانے والے ادویات (Immune Booster) تقسیم کرنے میں گہری دلچسپی ظاہر کرنے پر ڈاکٹروں اور پیرا میڈیکل اسٹاف کی تعریف کی۔
انہوں نے مزید کہا کہ ’’آئی ایس ایم ڈسپنسریز کے بنیادی ڈھانچے کو بہتر بنایا جائے گا اور تمام ڈسپنسریز میں ڈاکٹر تعینات کیے جائیں گے۔‘‘
اسسٹنٹ ڈائریکٹر سجاد حسین نے ڈسپنسریز میں بنیادی ڈھانچہ کو بہتر بنانے میں گہری دلچسپی لینے پر ڈائریکٹر آئی ایس ایم کا شکریہ ادا کیا اور انکی کوششوں کی تعریف کی۔
