جموں کشمیر میں ڈی ڈی سی انتخابات کے پیش نظر کانگریس کے سینیئر رہنما پیرزادہ محمد سید آج حلقہ انتخاب کوکرناگ کے دندیپورہ سے گاورن علاقہ تک کا دورہ کیا۔
انتخابی تشہیر کے دوران کانگریس پارٹی کے متعدد کارکن بھی موجود تھے، پیرزادہ محمد سید نے لوگوں سے کہا کہ پارٹی کی ساخت کو مضبوط کرنے کے لیے آنے والے ڈی ڈی سی انتخابات میں کانگریس کی امیدوار فرحانہ اختر کے حق میں اپنا قیمتی ووٹ دے کر پارٹی کو کامیاب کریں، امیدوار کی کامیابی سے پارتی بھی مضبوط ہوگی۔
انھوں نے مزید کہا کہ کانگریس تنہا انتخاب لڑے گی اور جیت درج کرے گی، وہیں گپکار الائنس کو تنقید کا نشانہ بناتے ہوئے پیرزادہ محمد سید نے کہا کہ ہم الائنس کے حق میں نہیں ہے، جس وقت کانگرس نمائندہ وہاں میٹنگ کے لیے گئے تھے، اس وقت کوئی بھی الائنس نہیں ہوا تھا، ان کا کہنا تھا کہ کانگریس پارٹی کی گپکار ایلائنس کے ساتھ کوئی تعلقات نہیں ہے۔
