مرکز کے زیر انتظام انتظام خطہ جموں و کشمیر کے ضلع اننت ناگ میں سی آر پی ایف کی جانب سے ہولی کا جشن منایاگیا،اس موقع پر پوجا کا بھی اہتمام کیا گیا تھا۔رنگ و گلال کے ساتھ باہمی خیر سگالی کا پیغام دیتے ہوئے ہولی منائی جارہی ہے اور امن امان کی لئے دعائیں مانگی گئیں۔
اس موقع سی آر پی ایف کے جوانوں نے ای ٹی وی بھارت سے بات کرتے ہوئے کہا کہ ہمارے بٹالین میں ہر مذہب کے جوان ہوتے ہیں اور ہم مل کر ہر تہوار مناتے ہیں۔ اور آج ہم کافی خوش ہیں، ہم اپنے بٹالین کے ساتھیوں کے ساتھ مل کر ہولی کے اس تہوار کو منارہے ہیں۔ ڈی آئی جی سی آر پی ایف نے بتایا کہ آج ہم پورے جوش و خروش کے ساتھ پوجا کا اہتمام بھی کر رہے ہیں۔انہوں نے مزید کہا کہ ہم آج اپنے اہل خانہ سے دور ہیں لیکن ہم اپنے دوستوں کے ساتھ ہر وقت شانہ بشانہ کھڑا رہتے ہیں چاہے وہ جنگ کا ماحول، امان و قانون ، یا کوئی بھی تہوار ہو ہم لوگ مل کر مناتے ہیں۔
