میٹنگ میں ڈی سی اننت ناگ خالد جہانگیر، ڈی آئی جی شمالی کشمیر اے کے گوئیل، ڈی آئی جی سی آر پی ایف دلیپ سنگھ، ایڈیشنل سی ای او شری امر ناتھ شرائین بورڈ انوپ سونی، کیمپ ڈائریکٹر ننون بیس کیمپ امت شرما، سی ای او پہلگام ڈیولپمنٹ اتھارٹی ڈاکٹر ناصر احمد، جنرل منیجر ورکس شری امر ناتھ شرائین بورڈ آر کے پنڈتا اور مختلف محکموں کے انجینئران نے شرکت کی۔
ڈپٹی کمشنر خالد جہانگیر نے ایک پاور پوائنٹ پرذنٹیشن کے ذریعے صحت عامہ، صحت، بجلی، خوراک، تعمیرات عامہ، لیبر، جنگلات، میونسپلٹی اور دیگر محکموں کی طرف سے جاری یاترا کے لئے کئے گئے انتظامات کے بارے میں جانکاری دی۔
انہوں نے کہا کہ جواہر ٹنل، گلاب باغ اور قاضی گنڈ میں تین اضافی ٹرانزٹ کیمپ قایم کئے گئے ہیں جہاں آکسیجن سہولیات، ضروری ادویات اور دیگر قسم کا ساز و سامان دستیاب رکھا گیا ہے اس کے علاوہ پوتر گپھا کے راستے تمام لازمی انتظامات کئے گئے ہیں۔
گورنر نے ٹرانزٹ کیمپوں میں صفائی ستھرائی یقینی بنانے کے علاوہ پینے کا پانی، بجلی، طبی خدمات اور دیگر ضروریات دستیاب رکھنے کے احکامات دئیے۔ انہوں نے کیمپ ڈائریکٹر کو بیت الخلائوں کی صفائی ستھرائی اور فضلاء کو مناسب ڈھنگ سے ٹھکانے لگانے کے احکامات دئیے۔
انہوں نے یاترا کے احسن انعقاد کیلئے باہمی تال میل کے ساتھ کام کرنے کی افسران کو ہدایت دی۔
اس سے قبل گورنر نے محکمہ صحت اور آیوش کے طبی مراکز کا دورہ کر کے یاتریوں کو دستیاب سہولیات کا جائیزہ لیا۔ انہوں نے یاتریوں سے تبادلہ خیال کرتے ہوئے سہولیات کے حوالے سے اُن سے بات چیت کی۔گورنر نے ہینڈی کرافٹس اور دیگر محکموں کی طرف سے لگائے گئے سٹالوں کا بھی معائینہ کیا۔
دریں اثنا جاری شری امر ناتھ جی یاترا کے 11 ویں روز جمعرات کو 13555 یاتریوں نے پوتر گپھا میں حاضری دی۔ ابھی تک 144058 یاتریوں نے پوتر گپھا میں شو لنگم کے درشن کئے ہیں۔
