نوجوانوں کو منشیات کی لت اور سماجی برائیوں سے دور رکھنے کی غرض سے فوج کی انیس آر آر کی جانب سے ضلع اننت ناگ کے حلقہ انتخاب کوکرناگ کے وائلو علاقہ میں سائیکل ریس کا اہتمام کیا گیا جس میں کوکرناگ کے مختلف علاقوں سے تعلق رکھنے والے پچاس سے زائد نوجوان لڑکے اور لڑکیوں نے بڑھ چڑھ کرحصہ لیا۔ اس موقع پر شرکاء نے خوشی کا اظہار کیا اور فوج کی کاوشوں کی تعریف کی۔
واضح ہو کہ جموں و کشمیر میں نوجوانوں میں منشیات کی لت ایک بڑا مسئلہ بن گیا ہے جس سے دور رکھنے کے لئے اس قسم کے پروگرام کا انعقاد کیا جا رہا ہے۔ اس کے تحت فوج علاقے میں مخلتف قسم کے کھیلوں کا انعقاد کر رہی ہے تاکہ نوجوان منشیات کے بجائے دوسرے مقابلہ جاتی کھیلوں میں میں مصروف رہیں۔
منشیات سے نوجوانوں کو بچانے کے لئے انتظامیہ اور این جی او کی جانب سے مخلتف مواقع پر مہم بھی چلائی جاتی ہے، اس کے باوجود جموں و کشمیر میں نوجوان لڑکے اور لڑکیاں اس جانب راغب ہو رہے ہیں۔
