جنوبی کشمیر کے ضلع اننت ناگ کے پازل پورہ میں رضاکار تنظیم الفلاح پیپلز ٹرسٹ کی جانب سے غیر ریاستی مزدوروں کے درمیان راشن کٹس اور ضروری اشیاء تقسیم کیا گیا۔
غیرریاستی مزدوروں کے درمیان مفت میں راشن کٹس تقسیم
وادی کشمیر میں شدید برفباری کے سبب جہاں عام زندگی مفلوج ہو کر رہ گئی ہے وہیں غیر ریاستی مزدورں کا تعلق بھی اپنے لوگوں سے منقطع ہوگیا ہے، اور ان کا کوئی بھی پرسان حال نہیں ہے۔
اس مشکل گھڑی میں وادی میں پریشان حال غیر ریاستی مزدور پیشہ افراد میں آج الفلاح پیپلز ٹرسٹ نامی رضاکار تنظیم کی جانب سے مفت میں راشن و دیگر اشیائے خردنی تقسیم کیا گیا۔
برفباری کے باوجود بے یارو مددگار سیکڑوں غیر ریاستی مزدور کھلے آسمان کے نیچے اپنی زندگی گزارنے پر مجبور ہیں، لیکن الفلاح تنظیم کی جانب سے مزدوروں میں راشن تقسیم کیے جانے سے مزدوروں میں خوشی کی لہر دوڑ گئی ہے۔
