غلام نبی ڈار نے ای ٹی وی بھارت کے ساتھ بات چیت کرتے ہوئے کہا کہ' انہوں نے فرقہ پرست طاقتوں اور رشوت خوری کو روکنے کے لیے انتخابات میں حصہ لیا ہے۔ اس موقعے پر انہوں نے یہاں کے سیاسی رہنماؤں پر سخت تبصرہ کرتے ہوئے کہا کہ' یہاں کے سیاست دانوں نے ہمیشہ غریب عوام کا استحصال کیا اور تعمیرو ترقی کی جانب کوئی دھیان نہیں دیا گیا۔'
غلام نبی ڈار نے کہا کہ انہوں نے بارہ برس بعد بی جے پی کو اس لیے خیر باد کہ دیا کیونکہ بی جے پی کے اندر کشمیریوں کے لیے کوئی ہمدردی نہیں ہے۔ بی جے پی فرقہ پرستی اور مذہب کے نام پر لوگوں کو باٹنے کی سیاست کرتے ہیں۔ انہوں نے کہا کہ' بی جے پی کو کشمیریوں سے کوئی مطلب نہیں بلکہ انہیں کشمیر سے مطلب ہے'۔
بی جے پی کو کشمیریوں سے کوئی مطلب نہیں بلکہ کشمیر سے مطلب ہے۔ لہذا ایسی طاقتوں کو روکنے کے لیے ڈی ڈی سی انتخابات میں حصہ لینا لازمی بن گیا ہے۔
ڈار نے کہا کہ اگر لوگوں نے انہیں کامیاب کیا تو وہ کیے گئے وعدوں کو پوران کرنے کے لیے ہر ممکن کوشش کریں گے'۔
