کوکرناگ میں غیر قانونی ذخیرہ کردہ لکڑی ضبط

فاریسٹ پروٹیکشن فورس کو ایک خصوصی اطلاع موصول ہوئی تھی کہ دیسو کے مہراج احمد ڈیکا نے اپنی رہائش گاہ پر غیر قانونی لکڑی ذخیرہ کی ہوئی ہے۔

جنوبی کشمیر کے ضلع اننت ناگ کے حلقہ انتخاب کوکرناگ کے دیسو ڈکسم علاقے میں آج فاریسٹ پروٹیکشن فورس نے ایک مکان سے غیر قانونی طور پر ذخیرہ کردہ لکڑی ضبط کی ہے۔

ذرائع کے مطابق فاریسٹ پروٹیکشن فورس کو ایک خصوصی اطلاع موصول ہوئی تھی کہ دیسو کے مہراج احمد ڈیکا نے اپنی رہائش گاہ پر غیر قانونی لکڑی ذخیرہ کی ہوئی ہے، جس کے بعد فاریسٹ پروٹیکشن فورس کے اسسٹنٹ ڈائریکٹر کی سربراہی میں ایک ٹیم تشکیل دی گئی، جس نے مذکورہ شخص کے گھر پر چھاپہ مارا اور لکڑی ضبط کی۔

لکڑی کی غیر قانونی تجارت میں مذکورہ محکمہ کا ایک عارضی ملازم بھی ملوث ہے۔ محکمہ نے اس سلسلے میں مقامی تھانہ میں مقدمہ درج کروایا ہے اور مزید تفتیش جاری ہے۔