جنوبی ضلع اننت ناگ کے حلقہ انتخاب کوکرناگ کے ہانگل گنڈ علاقے کی ایک دکان میں دیر رات آتشزدگی کا واقعہ پیش آیا، جس کی وجہ سے ریاض احمد تانترے کی دکان راکھ کے ڈھیر میں تبدیل ہوگئی۔ مقامی لوگوں اور فائر عملے کی کوششوں سے آگ پر قابو پالیا گیا ہے۔
ذرائع کے مطابق دکان کے اندر گیس سلینڈر پھٹنے کی وجہ سے آتشزدگی کا واقعہ پیش آیا، آگ کی شدت اتنی زیادہ تھی کہ آگ نے پوری دکان کو اپنی لپیٹ میں لے لیا اور دکان کے اندر موجود لاکھوں روپے کا سامان راکھ کے ڈھیر میں تبدیل ہوگیا۔
گیس سلینڈر پھٹنے سے دکاندار شدید طور پر زخمی ہوگیا تھا، جس کو علاج و معالجہ کے لیے سب ڈسٹرکٹ ہسپتال کوکرناگ منتقل کر دیا گیا، جہاں سے اسے نازک حالت میں ضلع کے گورنمنٹ میڈیکل کالج منتقل کیا گیا۔
