مرکز کے زیر انتظام خطہ جموں و کشمیر اپنی پارٹی کے ایڈیشنل جنرل سکریٹری ہلال احمد شاہ کا کہنا ہے کہ اپنی پارٹی جموں کشمیر میں جمہوری حکومت کے قیام کے پیش نظر مرکزی حکومت پر دباؤ بنانے کی کوششیں جاری رکھے ہوئی ہے ۔خطہ کے کھنہ بل اننت ناگ میں پارٹی کارکنوں کے ایک اجلاس سے خطاب کے بعد ہلال شاہ نے کہا کہ افسر شاہی عوامی حکومت کا متبادل نہیں ہو سکتی ہے۔ Additional General Secretary of party Hilal Shah's address to the workers
انہوں نے کہا کہ موجودہ دور میں لوگ طرح طرح کی مشکلات سے دوچار ہیں، اور اپنی پارٹی اس بات سے بخوبی واقف ہے،انہوں نے کہا کہ اپنی پارٹی ہی ایک ایسی پارٹی ہیں جو عوام کا دکھ درد سمجھ سکتی ہے، اور عوام کو درپیش مسائل کو دور کرنے کی کوشش کررہی ہے۔ انکے مطابق اپنی پارٹی کشمیری عوام کی کما حقہ ترجمانی نئی دہلی میں کر سکتی ہے، انہوں نے کہا کہ اور ہماری پارٹی چاہتی ہے کہ انتخابات کو جلد از جلد عمل میں لانا چاہیے تاکہ عوامی کا ازالہ ہوسکے۔
انہوں نے مزید کہا کہ اپنی پارٹی نے پہلے دن سے مرکزی حکومت پر کشمیر میں نوجوانوں کو ملازمت فراہم کرانے اور زمین کے معاملے کو لے کر دباؤ بنایا ہے۔ تاکہ کشمیر ی نوجوانوں کو روز گار کے موقع فراہم ہوسکے اور کشمیر کی زمین کشمیری لوگوں کے پاس ہی محفوظ رہنی چاہئے۔ انہوں نے کہا کہ یہ تمام تر چیزیں پارٹی کے منشور کا حصہ ہے جس پر پارٹی ابھی بھی پابند عہد ہے۔
اہنونے نے کارکنوں پر زور دیتے ہوئے کہا کہ وہ زمینی سطح پر پارٹی کے مستحکم کے لئے پُر عزم رہیں تاکہ آنے والے انتخابات میں پارٹی اکثریت سے کامیاب ہو سکے۔
مزید پڑھیں:Convention in Bandipora بانڈی پورہ میں جموں و کشمیر اپنی پارٹی کا کنونشن، الطاف بخاری کی شرکت
