ڈویژنل کمشنر کشمیر نے صورتحال کا جائزہ لیا

ڈویژنل کمشنر کشمیر نے برف باری کے بعد کے حالات کا ویڈیو کانفرنس کے ذریعہ جائزہ لیا۔

ڈویژنل کمشنر کشمیر پی کے پول نے اننت ناگ اور کولگام کے اضلاع کا دورہ کیا اور شدید برف باری کی وجہ سے پیدا شدہ زمینی صورتحال کا جائزہ لیا, اس تناظر میں انہوں نے حکام کے رد عمل کا جائزہ بھی لیا۔

پی کے پول نے ضلع ترقیاتی کمشنر اننت ناگ کے دفتر سے کشمیر کے تمام اضلاع کی انتظامیہ سے ویڈیو کانفرنس کے ذریعہ صورتحال کی تفصیلی جانکاری لی۔ ڈویژنل کمشنر نے متعلقہ حکام سے سڑکوں سے برف صاف کرنے ، بجلی اور پانی کی بحالی ، خوراک اور گیس سمیت دیگر اشیاء ضروری کی کے بارے میں کئے گئے اقدامات اور ان کی بروقت فراہمی کے بارے میں حکام سے جانکاری حاصل کی.

انہوں نے ،ایک میٹنگ کے دوران، محکمہ باغبانی، صحت،خوراک و دیگر مختلف محکموں کے افسران سے بھی تبادلہ خیال کیا.. اور برفباری کے بعد تازہ صورتحال کے بارے متعلقہ محکموں کے رد عمل کا جائزہ لیا۔

میٹنگ میں موجود ضلع ترقیاتی کمشنر اننت ناگ، کے کے سدھا نے یقین دہانی کرائی کہ ضلع کے دور دراز بیشتر علاقوں کا سڑک رابطہ اور پینے کا پانی بحال کیا گیا ہے، وہیں ضلع میں تقریباً 90 فیصدی بجلی کی سپلائی کو بھی بحال کیا گیا ہے