'کوکرناگ میں بنیادی سہولیات کی بحالی کو یقینی بنایا جائے'

وادی میں گذشتہ دنوں ہوئی بھاری برفباری کے نتیجے میں جہاں عام زندگی کافی متاثر ہوئی، وہی حلقہ انتخاب کوکرناگ میں شدید برفباری کا جائزہ لینے کے لئے سابق ایم ایل اے برنگ اور 'اپنی پارٹی' کے ضلع صدر عبدالرحیم راتھر نے آج حلقے کے کئی علاقوں کا دورہ کیا۔

ضلع صدر نے دورے کے دوران لوگوں کے کئی وفود سے ملاقات کی اور لوگوں نے انہیں برفباری سے پیدا شدہ صورتحال سے واقف کرایا۔

ضلع صدر اننت ناگ عبدالرحیم راتھر تعزیت پُرسی کرنے کے لئے اپنی پارٹی کے لیڈر انیس الاسلام کے گھر بھی گئے، ان کے ہمراہ اپنی پارٹی کے کئی سیاسی رہنما اور کارکنان بھی موجود تھے۔

اس موقع پر انیس الاسلام کی والدہ کے لیے دعا مغفرت کی گئی۔ واضح رہے کہ انیس الاسلام کی والدہ چند روز قبل ہی مختصر علالت کے بعد فوت ہوگئی۔

اس موقع پر ضلع صدر نے ای ٹی وی سے بات کرتے ہوئے کہا کہ برف باری بھی بہت زیادہ ہوئی، چاہے رابطہ سڑکوں کے حوالے سے بات کریں، چاہے بجلی کے حوالے سے بات کی جائے، انتظامیہ سے جتنا ہو سکا انہوں نے اچھا کام کیا۔ تاہم انہوں نے کہا کہ ابھی بھی بہت کچھ کرنا باقی ہے، انہوں نے کہا کہ بہت سارے علاقے ابھی بھی تحصیل یا صدر مقام سے منقطہ ہیں۔

انہوں نے تمام محکموں کے افسران سے اپیل کی ہے کہ وہ اپنے کام میں تیزی لائیں تاکہ لوگوں کی مشکلات کا ازالہ ممکن ہوسکے۔