ڈی سی نے ہسپتال میں زیر تعمیر متعدد سہولیات کے علاوہ کورونا کے مریضوں کے لیے مخصوص کیے گئے وارڈ، میڈیکل وارڈ، ایمرجنسی اور او پی ڈی وارڈز، سنٹرل لیبارٹری کا جائزہ لیا۔
ڈی سی اننت ناگ نے گورنمنٹ میڈیکل کالج کا دورہ کیا
میڈیکل سپرنٹنڈنٹ ،ڈاکٹر اقبال نے ڈی سی کو بتایا کہ پلانٹ میں 1000 ایل ایم پی ہائی فلو آکسیجن کی فراہمی کی گنجائش ہے جو تقریبا 30 کووڈ مریضوں کی آکسیجن ضروریات کو پورا کرے گا۔
آکسیجن کی مسلسل فراہمی کے لیے بلاتعطل بجلی کی فراہمی پر زور دیتے ہوئے، ڈی سی نے ہنگامی بنیادوں پر 10 ایم وی اے سب اسٹیشن پر تعمیر کی رفتار بڑھانے کی ہدایت دی۔
انہوں نے مناسب صفائی ستھرائی اور بائیو میڈیکل کچرے کو ضائع کرنے ، ڈیڈ اسٹاک کی نیلامی کے علاوہ ہسپتال کے احاطہ کی تجدید و مرمت پر زور دیا۔
ڈاکٹر سنگلا نے کہا کہ ضلع انتظامیہ دوسری کووڈ-19 کی لہر سے نمٹنے کے سلسلہ میں عملی اقدامات اٹھا رہی ہے۔ اس موقع پر، ڈاکٹر سنگلا نے کووڈ کی تازہ لہر سے مؤثر طریقے سے نمٹنے کے لیے صحت کے حکام سے مکمل حمایت کا اظہار کیا۔
دورے کے دوران جی ایم سی کے پرنسپل اور ایچ او ڈی میڈیسن ،جے کے پی سی سی کے، ڈی جی ایم ،محکمہ آر اینڈ بی کے ایگزیکٹو انجینئر ، محکمہ جل شکتی، بجلی و دیگر محکموں کے عہدیداران موجود رہے۔
