ضلع ترقیاتی کمشنر اننت ناگ بشیر احمد ڈار نے بجبہاڑہ ٹراما ہسپتال کے لئے چار سو، پی پی ای کٹس اور ایک ہزار سرجیکل ماسکس ڈپٹی سی ایم او اننت ناگ ایم وائی زاگو کے حوالے کئے۔
وہیں اے سی آر اننت ناگ سید یاسر نے ضرورتمند افراد کی خاطر ایک ہزار ماسکس اے ڈی سی خواجہ نظیر احمد کے سپرد کیں۔
ضلع ترقیاتی کمشنر اننت ناگ کی صدارت میں محکمہ صحت عامہ، کے وی آئی بی، صنعتی ادارے، محکمہ دیہی ترقی اورکئی دیگر محکموں اور اداروں کے افسران و ذمہ داران کے ساتھ میٹنگ کی گئی۔ میٹنگ کے دوران افسران پر زور دیا گیا کہ وہ ضلع میں ماسکس کی آسان دستیابی کو یقینی بنانے کے لئے اقدامات اٹھائیں اور صنعتی کارخانہ داروں سے اپیل کی گئی کہ وہ زیادہ سے زیادہ ماسکس تیار کریں۔
ڈی سے نے افسران کو ہدایت دی کہ وہ ضرورت مند لوگوں خاص کر معذور افراد میں مفت ماسکس تقسیم کریں، اور اچھی کوالٹی کی ماسکس کی دستیابی کویقینی بنانے لئے کارخانوں میں تیار کی جارہی ماسکس کے (خام مال) میٹریل کو چیک کریں۔
اس موقعے پر ضلع انتظامیہ و محکمہ صحت کے کئی افسران بھی موجود تھے۔
