ضلع ترقیاتی کمشنر اننت ناگ، ڈاکٹر پیوش سنگلا نے بجلی محکمہ کے مختلف پروجیکٹس پر کام کرنے والے ٹھیکیداروں کے ساتھ ایک میٹنگ منعقد کی۔
میٹنگ کے دوران ڈی سی نے زیر تعمیر پاور پروجیکٹس کی بروقت تکمیل کی ضرورت پر زور دیا۔
انہوں نے ٹھیکہ داروں کو ہدایت دی کہ وہ الاٹ شدہ کام رواں ماہ کی 30 تاریخ تک مکمل کرنے کو یقینی بنائیں۔
ڈاکٹر سنگلا نے اس موقع پر متعلقہ افسران کو ہدایت دی کہ وہ تمام ضروری لوازمات کی تکمیل اور تمام حائل رکاوٹوں کو دور کرکے زیر تعمیر کاموں کو احسن طریقے پر تکمیل تک پہچانے کو یقینی بنائیں۔
میٹنگ کے دوران یقین دہانی کرائی گئی کہ موسم سرما میں بجلی کی فراہمی میں کم سے کم رکاوٹوں کو یقینی بنانے کے لیے محکمہ بجلی پر عزم ہے۔ اور اس مناسبت سے ضلع میں ضروری بنیادی ڈھانچے کی اپ گریڈیشن کی جارہی ہے۔
مزید پڑھیں: اننت ناگ: اچھو، کوکرناگ میں رابطہ سڑک انتہائی خستہ
ڈی سی نے پاور ڈیولپمنٹ ڈیپارٹمنٹ کے افسران کو ہدایت دی کہ وہ بجلی کی فراہمی کے بارے میں باقاعدگی سے رپورٹ پیش کریں۔
انہوں نے کہا کہ غلطی اور کوتاہی کرنے والی ایجنسیوں کو قانونی کارروائی کا سامنا کرنا پڑے گا۔
