بنگلہ دیش سے تعلق رکھنے والی کورونا وائرس سے متاثرہ ایک لڑکی جنوبی کشمیر کے اننت ناگ ضلع کے آکورہ علاقے میں قائم ایک قرنطینہ مرکز سے لاپتہ ہوگئی ہے۔
ذرائع کے مطابق 18سالہ چاندنی کو چائلڈ ویلفیئر کمیٹی نے طبی معائنہ کے لئے اسپتال لایا تھا اور کورونا سے متاثرہ ہونے کی تصدیق کے بعد انہیں آکورہ کے قرنطینہ مرکز میں داخل کیا گیا جہاں سے وہ پر اسرار طور لا پتہ ہو گئی ہیں۔
خدشہ ظاہر کیا جا رہا ہے کہ مذکورہ لڑکی قرنطینہ مرکز سے فرار ہو گئی ہے۔
بلاک میڈیکل افسر مٹن محمد سلیم نے اس سلسلہ میں متعلقہ محکمہ کو ایک خط روانہ کرکے آگاہ کیاہے۔ اور انہیں جانکاری دی کہ بنگلہ دیش کے محمد یونس میاں نامی شخص کی بیٹی قرنطینہ مرکز سے لاپتہ ہوگئی ہے۔
پولیس اسٹیشن میں لڑکی کے لاپتہ ہونے کے بارے میں گمشدگی کی رپورٹ درج کردی گئی ہے۔
