لوگ غیر ضروری طور پر گھروں سے باہر نہ نکلیں: سی ایم او اننت ناگ

چیف میڈیکل افسر اننت ناگ ڈاکٹر مختار احمد شاہ نے ضلع کے عوام سے اپیل کی کہ وہ غیر ضروری طور پر اپنے گھروں سے باہر نہ نکلیں۔ ماسکس و سینیٹائزر کا استعمال کریں اور سماجی دوری کا خاص خیال رکھیں۔

انہوں نے لوگوں سے کورونا وائرس کے خلاف لڑائی میں انتظامیہ کو اپنا بھرپور تعاون فراہم کرنے کی تلقین کی۔

مختار احمد شاہ نے لوگوں سے اپیل کی کہ وہ ہر حال میں کووڈ 19 کے سلسلہ میں جاری کئے گئے سرکاری احکامات کی پاسداری کو ممکن بنائیں تاکہ اس مہلک وبا کو مزید پھیلنے سے روکا جا سکے اور قیمتی انسانی جانوں کی حفاظت کو یقینی بنایا جا سکے۔

انہوں نے لوگوں سے مودبانہ اپیل کرتے ہوئے کہا کہ وہ ویکسینیشن سینٹرز پر جا کر اپنا ویکسین کرائیں۔

ڈاکٹر مختار نے کہا کہ لوگوں کو گھبرانے کی کوئی ضرورت نہیں ہے۔ انتظامیہ کورونا وائرس کے خلاف جاری جنگ میں پوری طرح مستعدی سے کام کر رہا ہے۔ تاہم عوام کے تعاون کے بغیر کورونا وائرس کے خلاف جاری جنگ جیتنا ناممکن ہے لہذا لوگ ایس او پیز کا خاص خیال رکھیں۔