Rahul Bhatt Killing: راہل بٹ کی ہلاکت کے ایک ماہ مکمل ہونے پر پی ایم پیکج ملازمین کا احتجاج

وادی کشمیر کے بڈگام میں پی ایم پیکج کے ملازم راہل بٹ کی ہلاکت کے ایک ماہ مکمل ہونے پر اننت ناگ کے قاضی گنڈ، مٹن و دیگر ٹرانزٹ کیمپوں میں پی ایم پیکج ملازمین نے بھوک ہڑتال کی اور راہل کو خراج عقیدت پیش کیا۔ Rahul Bhatt Killing

اننت ناگ: راہل بٹ کی ہلاکت کے ایک ماہ مکمل ہونے پر وادی میں مقیم پی ایم پیکج کے ملازمین نے اتوار کو راہل کی یاد میں بھوک ہڑتال کی۔ اقلیتی طبقہ نے ویسو قاضی گنڈ، مٹن و دیگر ٹرانزٹ کیمپوں میں بھوک ہڑتال کا اہتمام کیا اور راہل کو خراج عقیدت پیش کیا۔ راہل بٹ گزشتہ ماہ تحصیلدار آفس چاڈورہ کے دفتر میں بندوق برداروں کے گولی کا نشانہ بن گئے تھے PM package employees protest one month after Rahul Butt death۔

پنڈت ملازمین لگاتار بندوق برداروں کا نشانہ بن رہے ہیں جس کے باعث وہ لوگ اپنے آپ کو غیر محفوظ محسوس کر کے گزشتہ ایک ماہ سے وادی کے ساتھ ساتھ جموں کے مختلف مقامات پر منتقل کرنے کے لیے احتجاج کر رہے ہیں۔ مائیگرنٹ کیمپ ویسو میں بھوک ہڑتال پر بیٹھے پنڈت لیڈر سنی رینا پنڈت نے بتایا کہ ہم ملازمین دہشت گردوں کے براہ راست نشانے پر ہیں اور تحصیل آفس جیسے اعلیٰ سیکورٹی والے مقام پر بھی محفوظ نہیں ہیں، جہاں ہمارا ایک بھائی راہل بھٹ کو دن کے اجالے میں گولی مار کر ہلاک کر دیا گیا۔

"ہم نے آج احتجاج کے 30 دن مکمل کر لیے ہیں، لیکن ایسا لگتا ہے کہ حکومت ہماری پریشانیوں کے بارے میں فکر مند نہیں ہے لیکن پی ایم پیکیج کے ملازمین کو اب بھی مودی کی قیادت والی حکومت سے تمام امیدیں وابستہ ہیں۔ انہوں نے ایل جی منوج سنہا سے اپیل کی کہ وادی میں حالات سازگار ہونے تک تمام پنڈت ملازمین کو واپس جموں منتقل کیا جائے''۔