پہلگام میں سوچھ بھارت ابھیان کا آغاز

اس موقع پر اسسٹنٹ ڈائریکٹر ٹورازم (پہلگام) بلال احمد میر نے کہا ہے کہ ہم میں سے ہر ایک کی ذمہ داری ہے کہ صاف صفائی کے بارے میں آگاہی پیدا کرکے اس خوبصورت جگہ پہلگام کو ایک حقیقی نمونہ بنائیں۔

جنوبی کشمیر کے ضلع اننت ناگ کے پہلگام علاقے میں آج میونسپل کمیٹی پہلگام نے سوچھ بھارت ابھیان کا آغاز کیا۔ ڈرائیو کا آغاز میونسپل کمیٹی پہلگام سے پہلگام ڈویلپمنٹ اتھارٹی آفس تک کیا گیا ہے جس میں ایم سی پہلگام اور دیگر محکموں کے تمام ملازمین نے شرکت کی۔

میڈیا سے بات کرتے ہوئے اسسٹنٹ ڈائریکٹر ٹورازم (پہلگام) بلال احمد میر نے کہا ہے کہ دو اکتوبر کو گاندھی جینتی کے موقع پر پورے انڈیا میں یہ دن سفائی ابیھیان کے طور پر منایا جارہا ہے۔

انہوں نے کہا کہ ہم میں سے ہر ایک کی ذمہ داری ہے کہ ہم اس خوبصورت جگہ پہلگام کو صاف صفائی کے بارے میں آگاہی پیدا کرکے ایک حقیقی نمونہ بنائیں۔ اس مہم کا بنیادی مقصد عام لوگوں کو صفائی کے لئے بیدار کرنا ہے۔