بجبہاڑہ: بڑھئی چھت سے گر کر ہلاک

ضلع اننت ناگ کے بجبہاڑہ میں ایک بڑھئی چھت سے گر گیا، جس کے نتیجے میں اس کی موت ہو گئی۔

ضلع اننت ناگ کے بجبہاڈہ میں ایک بڑھئی چھت سے گر گیا، جس کے نتیجے میں اس کی موت ہو گئی۔

تفصیلات کے مطابق جنوبی کشمیر کے ضلع اننت ناگ میں واقع بیجبہاڈہ کے کنیلون علاقے میں رہائشی مکان کی چھت سے بڑھئ کاریگر گر گیا، جس کے بعد اس کی موت ہوگئی۔

ذرائع کے مطابق یہ شخص کنیلوان میں روزانہ کی طرح مزدوری کرنے گیا تھا، جہاں پر ایک مکان کے چھت کی مرمت کر رہا تھا۔ اسی دوران مزکورہ شخص مکان کی چھت سے گر کر زخمی ہو گیا۔

علاقے کے لوگوں کی مدد سے اسے علاج و معالجے کے لیے فوری طور پر پی ایچ سی سریگوفوارہ پہنچایا گیا تھا، تاہم ڈاکٹروں نے اسے مردہ قرار دے دیا۔ذرائع کے مطابق کار پینٹر کی شناخت منظور احمد بٹ ولد محمد رمضان بھٹ، ساکنہ ماگری پورہ کنیلون کے بطور ہوئی ہے۔