لوگوں کے مطابق انہوں نے متعلقہ محکمے کے اعلیٰ عہدیداران سے کئی بار یہاں ویٹرنری سینٹر قائم کرنے کا مطالبہ کیا لیکن ہماری گزارش پر کوئی غور نہیں کیا گیا۔
لوگوں کا کہنا ہے کہ ہمارے مویشیوں کے بیمار ہونے کے بعد صحیح وقت پر علاج نہ ملنے کی وجہ سے ان کے مرنے کا خطرہ لاحق رہتا ہے اور ساتھ ہی ساتھ باقی مویشیوں کے بیمار ہونے کا خطرہ بھی رہتا ہے۔
مال مویشیوں کی بیماریاں عام طور پر نہ صرف جانوروں کی صحت کو متاثر کرتی ہیں بلکہ یہ ان کی پیداواری صلاحیت پر بھی اثرانداز ہوتی ہے۔ اس ضمن میں جب ہم نے چیف اینیمل ہزبنڈری آفیسر سے بات کی تو انہوں نے کہا کہ 'اس مسئلے کو لے کر ہم نے پہلے ہی حکومت کو مطلع کیا ہے لیکن وہاں سینٹر قائم کرنے کے لئے سہولت نہیں ہے لیکن لوگوں کی ان مشکلات کے لیے ہم وہاں پر وقفہ وقفہ سے اپنی ٹیم بھیجا کریں گے اور گھر گھر ویکسینیشن اور دوسری ضروری ادویات کی فراہمی کو یقینی بنائیں گے۔'
