جنوبی کشمیر کے ضلع اننت ناگ کے پہلگام کے ٹاؤن ہال میں لوگوں کی شکایات سننے اور ان کا ازالہ کرنے کی غرض سے آج بلاک دیوس پروگرام کا انعقاد کیا گیا۔
اس پروگرام میں مختلف محکموں نے مقامی لوگوں کی درپیش مشکلات سے متعلق شکایات درج کی۔ پروگرام کے دوران مختلف علاقوں سے آئے ہوئے لوگوں نے متعلقہ علاقے کی شکایات درج کرائی تاکہ ان کی مشکلات کا ازالہ کیا جا سکے۔
اس دوران ڈی سی اننت ناگ انشول گرگ نے بھی پروگرام میں حصہ لیا۔ انہوں نے لوگوں کو بتایا کہ بلاک دیوس ایک ایسا پروگرام ہے جس کے ذریعے لوگوں کے مسائل و مطالبات افسروں تک پہنچتے ہیں اور لوگوں کے ان مطالبات کا سدباب کیا جاتا ہے۔ انہوں نے لوگوں سے ایسے پروگراموں میں شرکت کرنے کی اپیل کی ہے۔
ڈی سی اننت ناگ نے کہا کہ ان پروگراموں کے ذریعے لوگوں اور افسروں کے بیچ میں تال میل بن جاتا ہے اور تعمیر و ترقی کو انجام دینے میں کافی مدد ملتی ہے۔
