جموں و کشمیر کے ضلع اننت ناگ کے کوکرناگ دندی پورہ میں محکمہ دیہی ترقی کی جانب سے ایک بیداری پروگرام کا انعقاد کیا گیا۔
پروگرام کا مقصد کسانوں کو سیب، دھان، مکائی، دالیں و دیگر فصلوں کی کاشت اور اُن کے فوائد کے بارے میں جانکاری فراہم کرنا تھا۔
بیداری پروگرام کی صدارت، بلاک ڈیولپمنٹ افسر کوکرناگ مظفر حسین وانی کر رہے تھے ان کے ہمراہ، محکمہ تعلیم، زراعت باغبانی و دیگر کئی شعبہ جات کے افسران بھی موجود رہے۔ جبکہ اس موقع پر کسانوں کی خاصی تعداد بھی موجود رہی۔
یہ بھی پڑھیں: بجبہاڑہ: لوگ پینے کے صاف پانی سے محروم
پروگرام کے دوران لوگوں کو جانکاری دی گئی کہ آب و ہوا کے لحاظ سے مذکورہ علاقہ کس طرح کے فصل اور پھل کے لئے موزوں ہے۔ لوگوں پر زور دیا گیا کہ وہ ایسے فصلوں اور میووں کی کاشتکاری کو یقینی بنائیں جس سے ان کی آمدنی زیادہ سے زیادہ حاصل ہو سکے۔ وہیں لوگوں کو زراعت سے وابستہ مختلف سرکاری اسکیموں کے بارے میں آگاہ کیا گیا اور ان اسکیموں سے استفادہ حاصل کرنے کی تلقین کی گئی۔
