بجبہاڑہ پولیس اسٹیشن سے وابستہ ایس ایچ او کی سربراہی میں محکمہ مال اور ایکسائز کی مشترکہ طور ایک ٹیم کرنڈی گام علاقہ میں پوست کی کاشت کو ہٹانے کی مہم چلا رہی تھی کہ اسی دوران وہاں پر تین افراد سے منشیات بر آمد کی گئیں۔
پولیس کے مطابق ضبط کی گئی منشیات میں 4کلو کے قریب چرس 35 کلو بھنگ پاؤڈر شامل ہے۔
اس سلسلے میں پولیس نے نثار احمد شیخ ولد غلام قادر شیخ، عبدالرحمان بٹ ولد محمد رمضان بٹ اور غلام نبی پرہ ولد عبدالستار پرہ کے خلاف این ڈی پی ایس ایکٹ کے تحت کیس درج کیا ہے۔
پولیس کی جانب سے اس ضمن میں مزید تحقیقات شروع کی گئی ہیں۔
پولیس کے مطابق منشیات مخالف مہم تب تک جاری رہے گی جب تک سماج سے پوری طرح منشیات کا قلع قمع نہیں کیا جائے گا۔
انہوں نے عوام سے اپیل کرتے ہوئے کہا کہ وہ اس سلسلہ میں پولیس کو اپنا تعاون فراہم کریں۔
