منگل کے روز جموں وکشمیر کی اننت ناگ پولیس نے قصبہ اننت ناگ میں سرگرم چوروں کے ایک گروہ کو پکڑ لیا۔چوروں کے قبضے سے لاکھوں مالیت کی چوری شدہ سامان برآمد کیا گیا ہے۔ پولیس کے مطابق اس سلسلہ میں ملوث چھہ افراد کو گرفتار کیا گیا ہے۔ جن کے خلاف ایف آئی آر درج کی گئی ہے۔اورچوری شدہ لاکھوں روپئے مالیت کا سامان ضبط کیا گیا۔
ملزمین کی شناخت اولڈ عید گاہ کے رہنے والے آصف احمد ملک ولد غلام رسول ملک، آنچی ڈورہ سے تعلق رکھنے والے شبیر احمد بٹ ولد عبدالغنی بٹ، اُویس احمد صوفی ولد غلام نبی صوفی ساکن جنگلات منڈی ،سرنل کے رہنے والے فیصل نذیر ملک ولد نذیر احمد ملک کے طور پر ہوئی ہے۔
چوری شدہ سامان خریدنے کی پاداش میں مزید دو افراد کو گرفتار کیا گیا ہے، پُشو محلہ اننت ناگ کے رہنے والے ماجد احمد ریشی ولد غلام محی الدین ریشی اور ہلال احمد لون محمد رمضان لون ساکنہ ہانگر پری پورہ کے طور پر ہوئی ہے۔
تفتیش کے دوران ، ملزمان نے اعتراف کیا کہ وہ اننت ناگ قصبے میں چوری کے متعدد واقعات میں ملوث ہیں۔تمام ملزمین کے خلاف مختلف دفعات کے تحت مقدمات درج کئے گئے۔
اس موقع پر پولیس ٹیم نے چوری کا مختلف سامان برآمد کیا۔
