ضلع اننت ناگ کے مختلف مقامات خاص کر کے پی چوک، کھنہ بل چوک، لال چوک اور جنگلات منڈی جیسے مختلف مقامات پر ٹریفک جام معمول بن چکا ہے۔ شدید ٹریفک جام کے سبب مسافروں کو منٹوں کا سفر طے کرنے میں گھنٹوں لگ جاتے ہیں۔ جس کی وجہ سے مسافروں کو کافی مشکلات کا سامنا کرنا پڑتا ہے۔
قصبہ میں ٹریفک جام سے نمٹنے اور لوگوں کے سفر کو آسان بنانے کے لئے ٹریفک عملہ متحرک ہو گیا ہے۔ ٹریفک حکام کی جانب سے ضلع میں سب سے زیادہ متاثرہ مقامات پر ٹریفک پولیس اہلکاروں کی اضافی نفری تعینات کی گئی ہے۔
ٹریفک پولیس اہلکار کے پی چوک، کھنہ بل چوک سمیت دیگر کئی مقامات پر چاک و چوبند ہیں اور ٹریفک کی بلا روک ٹوک نقل و حمل کو یقینی بنانے کے لئے اپنے فرائض انجام دے رہے ہیں۔
مزید پڑھیں؛ اننت ناگ: ٹریفک جام سے نمٹنے کے لئے پولیس کی اضافی نفری تعینات
کوکرناگ: سڑک سے برف نہ ہٹانے پر عوام برہم
ٹریفک پولیس حکام کی جانب سے اس اقدام کے بعد قصبہ اننت ناگ میں کافی حد تک ٹریفک جام سے چھٹکارا ملا ہے۔
