مرکز کے زیر انتظام علاقہ جموں و کشمیر میں گذشتہ کئی ماہ سے جاری لاک ڈاؤن کی وجہ سے یہاں کی زندگی کافی متاثر ہوئی ہے۔ اگرچہ اس بیچ حکومت کی جانب سے لاک ڈاؤن میں ترمیم کی گئی، اور لوگوں سے کہا گیا کہ احتیاطی تدابیر سختی کے ساتھ عملائے، تاکہ کورونا وائرس سے لوگ محفوظ رہیں۔ تاہم مقامی لوگوں کے ساتھ ساتھ ٹرانسپورٹ سے وابستہ ڈرائیور حضرات بھی احتیاتی تدابیر کو عملانے میں لاپرواہی کر رہے ہیں۔ جس کے سبب ڈرائیور حضرات سواریوں سے من مانی کرایہ وصول کرتے ہیں۔
حلقہ انتخاب کوکرناگ کے لوگوں نے شکایت کی ہے کہ اننت ناگ سے وائلو تک چلنے والی گاڑیوں کے ڈرائیوروں کی من مانیاں عروج پر ہیں۔ ڈرائیور حضرات سواریوں سے اضافی کرایہ وصول کر کے لوگوں کو دو دو ہاتھوں سے لوٹ رہے ہیں۔ جبکہ انہیں پوچھنے والا کوئی نہیں۔ ٹرانسپورٹ کی عدم دستیابی سے ڈرائیور صاحبان من مانی کر رہے ہیں۔
کوکرناگ میں ڈرائیوروں کی من مانیاں، انتظامیہ نے لیا نوٹس 
