الیکشن کے بائیکاٹ کا اثر دکھ رہا ہے

اننت ناگ پارلیمانی نشست کے لیے دوسرے مرحلے میں ضلع کولگام میں پولنگ جاری ہے۔

دیوسر اور ہوم شالی بگ اسمبلی حلقوں میں ووٹ ڈالے جا رہے ہیں۔
ہوم شالی بگ میں الیکن بائیکاٹ کا اچھا خاصہ اثر دکھ رہا ہے، تاہم دیوسر کے چند علاقوں میں ووٹروں کی اچھی تعداد دیکھی جا رہی ہے۔

خیال رہے کہ علیحدگی پسند رہنماوں نے الیکشن کے بائیکاٹ اور ہڑتال کی کال دی ہے۔ انتخابات کے پرامن اور شفاف انعقاد کے لیے سیکورٹی کے سخت ترین انتظامات کیے گیے ہیں۔ساڑھے گیارہ بجے تک 3.8 فیصد ووٹنگ ریکارڈ کی گئی ہے۔اننت ناگ واحد لوک سبھا سیٹ ہے جس کے لیے تین مراحل میں ووٹنگ ہو رہی ہے۔ پہلے مرحلے میں تقریبا 13 فیصد ووٹنگ ریکارڈ کی گئی تھی۔