جنوبی کشمیر ضلع اننت ناگ کے حلقہ انتخاب بجبہاڑہ میں واقع دوپتیار علاقے میں دو خاندانوں کے مابین ہوئے جھگڑے میں ایک 50 سالہ بزرگ زخمی ہو گیا تھا۔ جہاں وہ ایس کے آئی اسکیمز ہسپتال میں زیر علاج تھے۔ جس کے بعد وہ زندگی سے جنگ ہار گئے۔
تفصیلات کے مطابق یہ واقعہ اُس وقت پیش آیا تھا جب دوپتیار بجبہاڑہ میں دو خاندانوں کے مابین کسی مسئلہ کو لے کر جھگڑا ہوا تھا، جس کے نتیجہ میں عبد الغنی نامی شخص شدید زخمی ہوگیا تھا۔ دوپتیار بجبہاڑہ کے رہائشی عبد الغنی ولد محمد صدیق میر کو رواں ماہ کے مہینے میں زخمی حالت میں ایس کے آئی ایم ایس سورہ میں داخل کرایا گیا تھا، جس میں وہ کئی دنوں تک زیر علاج رہنے کے بعد آج زندگی سے جنگ ہار گئے۔
اس سلسلے میں تھانہ بجبہاڑہ میں ایف آئی آر درج کی گئی ہے اور مزید تفتیش شروع کردی گئی ہے۔
