فوج کی 19 آر آر نے ضلع اننت ناگ کے علاقے دیالگام میں روڈ سیفٹی ماہ پر پینٹنگ مقابلہ اور بیداری کیمپ کا انعقاد کیا گیا۔
اس موقع پر متعدد بچوں نے پروگرام میں شرکت کی۔ یہ پروگرام میجر راہول جنجر کی نگرانی میں دیالام اننت ناگ میں منعقد ہوا۔ اس پروگرام کا مقصد علاقے کے ڈرائیوروں میں ٹریفک قوانین کے حوالے سے جانکاری دینا تھا۔
اس موقع پر کمپنی کمانڈر میجر راہل جنجر نے کہا کہ ہم نے روڈ سیفٹی بیداری پروگرام میں بچوں کو شامل کیا ہے کیونکہ بچپن سے ہی انہیں ٹریفک کے قواعد کے بارے میں جانکاری ہونی چاہئے۔ انہوں نے کہا کہ مستقبل میں ہم ایسے پروگرام جاری رکھیں گے۔
یہ بھی پڑھیں: اننت ناگ: روڈ سیفٹی ہفتہ پر پینٹنگ مقابلہ
یہ پروگرام 19آرآر نے ٹریفک پولیس ڈپارٹمنٹ اور سی آر پی ایف 140 بٹالین کے اشتراک سے ترتیب دیا تھا۔ پروگرام میں ٹریفک حکام نے بھی شرکت کی، جس میں ڈی ایس پی ٹریفک اننت ناگ بھی شامل تھے۔ علاقے کے مقامی لوگوں نے 19 آر آر آرمی کی کوششوں اور اقدام کو کافی سراہا ہے۔
