منیکا بترا اور سوترتھا کے اگلے راؤنڈ میں پہنچنے سے ٹوکیو اولمپک کی ٹیبل ٹینس ایونٹ میں بھارت کو تمغے ملنے کی امید برقرار ہے۔
منیکا بترا نے برطانیہ کی ٹن ٹن کو یکطرفہ اندازمیں (9-11، 10-12، 6-11 اور 7-11) 0-4 سے شکست دی تو وہیں سوترتھا مکھرجی نے سویڈن کی لنڈا برگسٹرام کو سخت مقابلے میں (5-11، 9-11، 3-11، 11-9، 13-11، 9-11 اور 11-5) 3-4 سے شکست دے کر دوسرے راونڈ میں داخلہ حاصل کیا۔
اس جیت کے ساتھ ہی منیکا اولمپکس کے ویمنز سنگلز ایونٹ میں 29 برسوں میں پہلا میچ جیتنے والی پہلی بھارتی خاتون بن گئیں ہیں۔ دوسرے مرحلے میں ان کا سامنا یوکرین کی مارگریٹا پیسوتسکا سے ہوگا جو یورپی چیمپیئن شپ کی سلور میڈلِسٹ ہیں۔
دوسری جانب سوترتھا مکھرجی کا دوسرے راؤنڈ میں پرتگال کی یوفو سے سامنا ہوگا۔
واضح رہے کہ 'اس سے قبل بھارتی مکسڈ ڈبلز ٹیبل ٹینس جوڑی شرت کمل اور منیکا بترا ٹوکیو اولمپک مکسڈڈبلز ٹیبل ٹینس ایونٹ کے 16 ویں راونڈ میں لن ین زو اور چینگ آئی چنگ کی چینی تائپے ٹیم سے 4-0 (4-11، 5-11، 6-11، 8-11) سے ہار کر اولمپک سے باہر ہو چکی ہے۔
