امریکی ٹینس اسٹار سیرینا ولیمس کو راجرز کپ کے فائنل مقابلے کے دوران چوٹ لگی تھی جس کی وجہ سے انہوں نے فائنل مقابلہ درمیان میں ہی چھوڑ دیا تھا۔
سیرینا کو پیٹھ میں چوٹ لگی تھی اور اسی وجہ سے انہوں نے ڈبلیو ٹی اے سنسناٹی ماسٹرز سے اپنا نام واپس لے لیا ہے۔
اس معاملے میں 23 مرتبہ کی گرینڈ سلیم فاتح سیرینا ولیمس نے کہا کہ سنسناٹی ماسٹرز ٹورنامنٹ سے نام واپس لینے پر مجھے بہت افسوس ہو رہا ہے کیوں کہ یہ میرا پسندیدہ ٹورنامنٹ ہے۔
انہوں نے کہا کہ پریکٹس کے بعد مجھے امید تھی کہ میں سنسناٹی ماسٹرز میں حصہ لے سکوں گی لیکن بدقسمتی سے میری چوٹ ابھی تک ٹھیک نہیں ہوئی جبکہ یہ بھی نہیں کہہ سکتی کہ میں کب کورٹ پر واپس لوٹ سکوں گی۔
