انہوں نے کہا کہ یہ نہ میری دوسری اننگز ہے اور نہ ہی مجھے اب کچھ ثابت کرنے کی ضرورت ہے
بھارتی ٹینس کی سب سے کامیاب ترین کھلاڑی ثانیہ مرزا ٹینس کورٹ میں اترنے کے لیے پوری طرح سے تیار ہیں۔ اس کے لیے وہ روزانہ چار گھنٹے مشق کر تی ہیں۔ ان کی جی توڑ محنت کی وجہ سے ان کا اب تک 26 کلو وزن کم ہوچکا ہے۔
ثانیہ مرزا نے کہا کہ آئندہ برس کی شروعات تک انٹرنیشنل ٹینس میں واپسی کرنے کا مقصد ہے۔ اس کے لیے روٹین کے مطابق محنت کر رہی ہوں۔ امید کر تی ہوں کہ فٹنس اور فارم دونوں واپس حاصل کرلوں گی۔
کیرئیر کے بارے میں بات چیت کر تے ہوئے کہا کہ ٹینس کیریئر میں وہ سب کچھ حاصل کرچکی ہوں جو ایک کھلاڑی کا خواب ہو تا ہے۔ ٹینس نے مجھے سب کچھ دیا ہے۔
ٹینس اسٹار نے کہا کہ میں کوئی دوسری اننگز کی شروعات نہیں کررہی ہوں کہ مجھے کچھ ثابت کرنے کی ضرورت ہے۔ بس اچھا کھیلنا چاہتی ہوں اور جیت کے ساتھ الوداع کہنے کا ارادہ ہے۔
ان کا مزید کہنا تھا کہ امریکی ٹینس اسٹار سرینا ولیمز بیٹی کو جنم دینے کے بعد بھی ٹینس کھیل رہی ہیں جو قابل تعریف ہے۔ انہوں نے بڑی محنت کی ہے۔ اس کے لیے کامیا ب ہیں۔ ثانیہ کا ٹوکیواولمپکس 2020 میں شرکت کرنا اہم مقصد ہے۔
