اٹالین اوپن ٹینس ٹورنامنٹ کے منتظمین نے بیان میں یہ اعلان کیا کہ اٹالین اوپن عام طور پر مئی کے دوسرے ہفتے میں شروع ہوتا ہے لیکن اس سال اسے کورونا وائرس کی وبا کی وجہ سے تقریباً چار ماہ آگے بڑھانا پڑا۔
اٹالین اوپن ملتوی ہونے سے قبل میڈرڈ اوپن بھی منسوخ کردیا گیا تھا جبکہ اب اٹالین اوپن کا آغاز فرینچ اوپن سے دو ہفتے قبل منعقد کیا جا رہاہے۔
واضح رہے کہ فرنچ اوپن مئی میں منعقد ہونے والا تھا لیکن اسے بھی کورونا وائرس کی وجہ ملتوی کر دیا گیا تھا۔
اٹالین اوپن کے اسپانسر نے کہا ہے کہ 'ٹورنامنٹ کو کووڈ 19 کے تناظر میں پروٹوکول کے ساتھ منعقد کیا جائے گا، جس میں لاکر روم سے لے کر کورٹ تک سماجی فاصلہ برقرار رکھنا اور وقتاً فوقتاً اس علاقے کو جراثیم سے پاک کرنا شامل ہے۔ ٹورنامنٹ 21 ستمبر کو اختتام پذیر ہوگا۔
توقع ہے کہ اگلے سال اٹالین اوپن اپنے مقررہ وقت پر منعقد ہوگا۔ اگر اگلے سال وبا کا کوئی خطرہ نہیں ہے تو یہ 9 مئی سے شروع ہوگا۔
