سال کے پہلے گرینڈ سلیم آسٹریلین اوپن ٹینس ٹورنامنٹ کے مردوں کے سنگلز کے خطابی مقابلے میں ڈینیل میدویدیف نے شاندار کارکردگی کا مظاہرہ کرتے ہوئے پانچویں سیڈ یونان کے استیفانوس سیتسپاس کو مسلسل سیٹوں میں چھ ۔ چار، چھ ۔ دو، سات ۔ پانچ سے شکست دے کر پہلی مرتبہ داخلہ حاصل کرلیا۔
میدویدیف نے یہ سیمی فائنل مقابلہ دو گھنٹے نو منٹ میں جیتا۔ ان کا اتوار کے روز فائنل میں دنیا کے نمبر ایک کھلاڑی اور آٹھ مرتبہ کے فاتح سربیا کے نوواک جوکووچ سے مقابلہ ہوگا۔
یہ بھی پڑھیں: میکسویل نیلامی میں سب سے زیادہ کمانے والے دوسرے نمبر کے کھلاڑی
دنیا کے چوتھے نمبر کے کھلاڑی میدویدیف کو میچ میں تیسرے سیٹ کے علاوہ سیتسپاس سے کوئی چیلنج نہیں ملا۔ انہوں نے میچ میں 46 ونرس لگائے اور اپنی پہلی سروس پر 88 فیصدی پوائنٹ جیتے۔ روسی کھلاڑی نے میچ میں صرف 21 غیرضروری غلطیاں کیں۔
