آسٹریا کے اسٹار ٹینس کھلاڑی ڈومینک تھیم نے شاندار کھیل کامظاہرہ کرتے ہوئے ٹینس کی دنیا کے نمبرون کھلاڑی رافیل نڈال کو غیر متوقع شکست دے کر آسٹریلین اوپن کے سیمی فا ئنل میں شاہانہ داخلہ لے لیا۔
ملبورن کے انٹرنیشنل ٹنیس کورٹ میں کھیلے گئے کوارٹر فائنل کے ایک اہم میچ میں آ سٹریاکے ڈومینک تھیم اور اسپین کے بین الاقوامی شہرت یافتہ ٹینس کھلاڑی رافیل نڈال آ منے سامنے ہوئے۔
دنیا کے نمبرون ٹینس کھلاڑی رافیل نڈال کو ڈومینک تھیم کے خلاف سخت جدوجہد کا سامنا کرناپڑا۔
مقابلے کے پہلے سیٹ میں دونوں کھلاڑیوں نے جارحانہ کھیل کامظاہرہ کیا ۔تھیم ذمہ دارانہ کھیل کامظاہرہ کرتے ہوئے پہلے سیٹ میں نڈال کو 7۔6 سے شکست دی ۔
تھیم کو پہلے سیٹ میں کامیابی حاصل کرنے کے لئے 67 منٹوں کا وقت لگا۔
دوسرے سیٹ میں بھی نڈال اور تھیم کے درمیان دلچسپ اور سنسنی خیز مقابلہ ہوا۔ دونوں کھلاڑی ایک دوسرے کے خلاف ایک انچ زمین چھوڑنے کے لئے تیار نہیں تھے۔
تھیم نے دوسرے سیٹ میں بھی نڈال کو 6۔7 سے شکست سے دوچار کیا۔ دوسرا سیٹ 79 منٹوں تک چلا۔
تیسرے اور آ خری سیٹ میں نڈال نے شاندار واپسی کرتے ہوئے 6أ4 سے سیٹ جیتا لیکن میچ جیت کے لیے یہ کافی نہیں تھا۔
آسٹریا کے ٹینس کھلاڑی ڈومینک تھیم آسٹریلین اوپن کے سیمی فائنل میں کوالیفا ئی کرنے والے پہلے مرد کھلاڑی بننے کا اعزاز حاصل کیا۔
