نئی دہلی: آئی اواے نے حکم دیا کہ ڈبلیو ایف آئی کی گورننگ کمیٹی فیڈریشن کے کام کاج میں کوئی کردار ادا نہیں کرے گی۔ ڈبلیو ایف آئی نے کہا کہ اسے آئی او اے کے حکم کی تعمیل کرنے پر کوئی اعتراض نہیں ہے۔ واضح رہے کہ اپریل میں پہلوانوں کے ایکشن میں واپس آنے کے بعد، آئی اواے نے ڈبلیو ایف آئی کے آپریشن اور انتخابات کرانے کے لیے ایک ایڈہاک پینل تشکیل دیا تھا۔ یہ ایتھلیٹ خواتین پہلوانوں کی مبینہ جنسی ہراسانی کے الزام میں ڈبلیو ایف آئی کے صدر برج بھوشن شرن سنگھ کی گرفتاری کا مطالبہ کر رہے ہیں۔
آئی اواے نے اپنے خط میں کہا کہ تمام انتظامی، مالی اور آپریشنل کام ایڈہاک پینل کے ذریعے کیا جائے گا۔آئی اواے نے کہاکہ آئی اواے کے 12 مئی 2023 کے حکم نامے کے مطابق، یہ واضح کیا جاتا ہے کہ ریسلنگ کے نظم و ضبط کے لئے آئی اواے کے ذریعہ تشکیل کردہ ایڈہاک کمیٹی کھیل کوڈ کے تحت قومی اسپورٹس فیڈریشن کے تمام کام اور ذمہ داریاں پوری کرے گی۔
ایڈہاک کمیٹی کے ہوتے ہوئے ڈبلیو ایف آئی کے عہدیدار فیڈریشن کے کسی کام میں کوئی کردار ادا نہیں کریں گے۔ وہ کسی بھی انتظامی، مالی، آپریشنل یا کسی دوسرے کردار میں کام نہیں کریں گے۔خط میں کہا گیا ہے کہ ڈبلیو ایف آئی کے سبکدوش عہدیداروں کو ہدایت دی جاتی ہے کہ وہ ویب سائٹ مینجمنٹ، مالی وسائل، بین الاقوامی مقابلوں میں ہندوستانی کھلاڑیوں کی شرکت کے لیے اندراجات کے لیے لاگ ان کی تفصیلات سمیت تمام سرکاری دستاویزات فوری طور پر ایڈہاک کمیٹی کے حوالے کریں۔
یہ بھی پڑھیں:Football Trial In Spain بنگال کے چھ فٹبالرز اسپین میں تربیت حاصل کریں گے
قابل ذکر ہے کہ ایڈہاک کمیٹی نے انڈر 17 اور انڈر 23 ایشین ریسلنگ چیمپئن شپ کے لیے ٹیم سلیکشن کے قوانین کو حتمی شکل دے دی ہے۔ ٹیم کے انتخاب کے لئے ٹرائلز 17 مئی کو پٹیالہ میں ہوں گے جبکہ ایشین چیمپئن شپ 10 سے 18 جون تک کرغزستان کے دارالحکومت بشکیک میں منعقد ہوگی۔
یواین آئی
