نیویارک:یو ایس اوپن 2023 کے مینز سنگلز کے کوارٹر فائنل میں سربیا کے نوواک جوکووچ نے امریکی ٹیلر فرٹز کو 6-1، 6-4، 6-4 سے شکست دی۔ جوکووچ 47ویں مرتبہ کسی گرینڈ سلیم کے سیمی فائنل میں پہنچے ہیں۔ وہ یو ایس اوپن میں 13ویں مرتبہ سیمی فائنل میں پہنچے ہیں۔ جوکووچ 17ویں بار یو ایس اوپن میں کھیل رہے ہیں۔
خواتین میں امریکہ کی کوکو گاف نے لاتویا کی جیلینا اوسٹاپینکو کو 6-0، 6-2 سے ہرا کر سیمی فائنل میں جگہ بنا لی۔ گاف نے اوسٹاپینکو کو شکست دی جنہوں نے عالمی نمبر ایک سویٹیک کو شکست دی تھی۔ کوکو گاف نے منگل کی رات گئے کھیلے گئے ویمنز سنگلز کے کوارٹر فائنل میں 2017 کی فرنچ اوپن کی فاتح جیلینا اوسٹاپینکو کو سیدھے سیٹوں میں شکست دی۔ گاف نے اوسٹاپینکو کو 6-0، 6-2 سے ہرا کر پہلی بار یو ایس اوپن کے سیمی فائنل میں رسائی حاصل کی۔ امریکہ کی 19 سالہ گاف 2001 میں سرینا ولیمز کے بعد پہلی کھلاڑی ہیں جو یو ایس اوپن کے سیمی فائنل میں پہنچی ہیں۔
گاف نے کہا، "میں بہت اچھا محسوس کر رہی ہوں اور میں بہت خوش ہوں۔ پچھلے سال میں کوارٹر فائنل میں ہار گئی تھی اور اس سال بہتر کرنا چاہتی تھی۔ مجھے بہت طویل سفر طے کرنا ہے لیکن میں خوش ہوں اور اگلے میچ کی تیاری کر رہی ہوں۔
چھٹے نمبر پر آنے والی گاف کا ہفتہ کو فائنل میں جگہ کے لیے اس سال کی فرانسیسی اوپن کی رنر اپ جمہوریہ چیک کی کیرولینا موچووا سے مقابلہ ہوگا۔ہندوستان کے روہن بوپنا اور ان کے آسٹریلیائی جوڑی دار میتھیو ایبڈن مینز ڈبلز کے سیمی فائنل میں پہنچ گئے ہیں۔
یہ بھی پڑھیں:Lalchand Rajput ورلڈ کپ کے لئے اعلان کردہ بھارتی ٹیم مضبوط اور متوازن ہے، لال چند راجپوت
ان کی جوڑی نے کوارٹر فائنل میں امریکی جوڑی نیتھنیل لیمنس اور جیکسن وِتھرو کو 7-6(10)، 6-1 سے شکست دی۔بوپنا اور ایبڈن اس سال کے شروع میں ومبلیڈن کے سیمی فائنل میں پہنچے تھے۔
یواین آئی
