نئی دہلی: دہلی فٹ بال کے صدر اور طویل عرصے سے اسپورٹس ایڈمنسٹریٹر رہے شاجی پربھاکرن کو ہفتہ کے روز آل انڈیا فٹ بال فیڈریشن کا نیا جنرل سکریٹری منتخب کیا گیا ہے۔ اے آئی ایف ایف کی نئی تشکیل شدہ ایگزیکٹو کمیٹی نے یہ تقرری کی۔ AIFF کے صدر کے عہدے کے انتخاب میں کلیان چوبے نے جمعہ کے روز بائیچنگ بھوٹیا کو 33-1 سے شکست دی۔ چوبے کی صدارت میں ایگزیکٹو کمیٹی کی پہلی میٹنگ میں یہ فیصلہ لیا گیا۔ چوبے نے جنرل سکریٹری کے عہدے کے لیے پربھاکرن کے نام کی سفارش کی جسے اراکین نے متفقہ طور پر قبول کر لیا۔ اے آئی ایف ایف نے ایک بیان میں یہ جانکاری دی۔ Shaji Prabhakaran appointed new secretary general of AIFF
پربھاکرن، جو AIFF میں تبدیلی کا مطالبہ کرنے والے گروپ کے لیڈروں میں سے ایک تھے، انہوں نے الیکشن نہیں لڑا۔ ممبران کا خیرمقدم کرتے ہوئے چوبے نے کہا کہ یہ پہلا موقع ہے کہ سپریم کورٹ کے حکم کے مطابق چھ سابق تجربہ کار کھلاڑی کمیٹی کا حصہ ہیں۔ انہوں نے کہا کہ ہمیں مل کر کام کرنا ہے اور ذاتی انا بھارتی فٹ بال کو آگے لے جانے کے ہمارے مقصد کے راستے میں نہیں آنا چاہیے۔ نظم و ضبط کامیابی کی کنجی ہے اور ہمیں جوابدہ ہونا ہوگا۔'
مزید پڑھیں:
