آسٹریلیا کی ٹیم کے سابق ون ڈے کپتان ایرون فنچ نے نیوزی لینڈ کے خلاف حالیہ ہوم سیریز کے دوران کھیل کے اس فارمیٹ سے ریٹائرمنٹ لے لیا تھا جس کے بعد یہ ذمہ داری کمنز کو سونپی گئی ہے۔ فنچ ابھی تک آسٹریلیا کے ٹی ٹوئنٹی کپتان ہیں۔Pat Cummins ODI Captain
کمنز آسٹریلیا کے 27ویں ون ڈے کپتان بنیں گے۔ دائیں ہاتھ کے تیز گیند باز اگلے سال ہندوستان میں ہونے والے آئی سی سی مینز کرکٹ ورلڈ کپ 2023 سے قبل 50 اوور کی کرکٹ میں ٹیم کی قیادت کریں گے۔Pat Cummins to Lead Australia ODI Team
نیو ساؤتھ ویلز سے تعلق رکھنے والے 29 سالہ کھلاڑی محدود اوورز کی کرکٹ میں آسٹریلیا کی مردوں کی ٹیم کی قیادت کرنے والے پہلے فاسٹ باؤلر بن جائیں گے، جبکہ وہ ایسا کرنے والے لیگ اسپن کے جادوگر شین وارن کے بعد دوسرے گیندبازہوں گے۔
ون ڈے کپتان کے طور پر کمنز کی پہلی مہم اگلے ماہ انگلینڈ کے خلاف تین میچوں کی ہوم سیریز سے شروع ہوگی۔
کمنز نے بطور کپتان فنچ کی تعریف کرتے ہوئے کہا کہ وہ ون ڈے میں آسٹریلیا کی کپتانی کرنے کے موقع کے منتظر ہیں۔
