اسپین کے رافیل نڈال نے دو سیٹ ہارنے کے بعد شاندار واپسی کرتے ہوئے اتوار کو پانچ سیٹ کے میراتھن مقابلے میں روس کے ڈینیل میدویدیف کو 2-6، 6-7(5)، 6-4، 6-4 7-5 سے شکست دے Nadal beats Medvedev at Australian Open کر ریکارڈ 21 واں گرینڈ سلیم خطاب جیت لیا ہے۔Australian Open 2022
نڈال نے پانچ گھنٹے 24 منٹ تک جاری رہنے والے میچ میں میدویدیف کے خلاف فتح درج کی، اس جیت کے ساتھ ہی نڈال نے سربیا کے نوواک جوکووچ اور سوئٹزرلینڈ کے راجر فیڈرر کو پیچھے چھوڑ دیا ہے جن کے نام 20 گرینڈ سلیم خطاب ہیں۔
نڈال کا یہ دوسرا آسٹریلین اوپن خطاب ہے۔ انہوں نے یہ خطاب 13 سال کے وقفے کے بعد جیتا ہے۔ اس سے قبل انہوں نے 2012، 2014، 2017 اور 2019 میں میلبورن فائنل میں شکست کے بعد 2009 میں پہلی بار خطاب جیتا تھا۔
یہ بھی پڑھیں: US Open 2021: عالمی نمبر ون نوواک جوکووچ کا 21 واں گرینڈ سلیم جیتنے کا خواب چکنا چور
اسپین کے نڈال کا اب گرینڈ سلیم فائنل میں 21-8 کا ریکارڈ ہوگیا ہے۔ سنہ 2019 میں جوکووچ کے ہاتھوں میلبورن فائنل میں شکست کے بعد یہ نڈال کی کسی گرینڈ سلیم فائنل میں مسلسل چوتھی جیت ہے۔
دوسری جانب آسٹریلین اوپن کے فائنل میں میدویدیف کی یہ مسلسل دوسری شکست ہے۔ گذشتہ سال فروری میں جوکووچ نے انھیں فائنل میں شکست دی تھی۔ گرینڈ سلیم فائنل میں ان کا ریکارڈ اب 1-3 ہو گیا ہے۔
یو این آئی
