شہیدوں کی یاد میں میراتھن ریس

رواں برس مارچ کے مہینے میں نیوزی لینڈ کی النور مسجد پر ہونے والی فائرنگ میں ہلاک ہونے والے افراد کی یاد میں ایک میراتھن ریس کا انعقاد کیا گیا۔

تفصیلات کے مطابق یہ ریس النور مسجد کے سامنے بنے پارک سے شروع ہوئی تھی جو 50 کلو میٹر کے فاصلے پر ختم ہوئی۔

اس ریس میں بڑی تعداد میں شہریوں نے حصہ لیا اور ایک مرتبہ پھر سے بھائی چارگی کا ثبوت پیش کیا۔

اس ریس کو کرائسٹ چرچ کے اسٹیفن گراہم نے جیت لیا ۔

انہوں نے میڈیا سے بات کرتے ہوئے کہا کہ جب مجھے پتہ چلا کہ یہ ریس 50 کلومیٹر پر مشتمل ہوگی لیکن ہلاک ہونے والوں کی تعداد 51 تھی تو میں نے ایک کلو میٹر کی اضافی دوڑ لگائی۔

اسٹیفن کے اس کارنامے کو انتظامیہ نے کافی سراہا۔